玖体育

C朗绝杀救苏B (赛后分析-曼联对比利亚雷亚尔)

作者:网络  发表于:2021-10-05 12:39

上场联赛赔了三分又折兵,输左俾维拉之外,更有梳尔及麦佳亚伤出;欧联第一战因云比沙加领红而被年青人反胜,今仗主场对比利亚雷亚尔可谓不容有失。

双方正选阵容

曼联今仗改用4-3-3阵式,后防线则改头换面。龙门迪基亚,防线左至右係泰利斯、华拉尼、连迪路夫、达洛特。逗后防中为麦汤文尼,左中场係普巴,右中场则係般奴费南迪斯。左右翼係辛祖同格连活特支援前锋C朗拿度争取入球。

比利亚雷亚尔则用4-4-2阵式。龙门路尔尼,防线由左至右,摩兰奴、保罗托利斯、艾比奥尔、科夫。中场左至右係丹祖马、特基路斯、卡普尔、柏利祖。一对箭头係宾奴同艾卡沙。

要不是迪基亚超水準演出,半场训得

艾美利对曼联真係特别有心得,防守时成平排4-4-2放弃前场逼抢,留丹祖马同艾卡沙係前场遮线,宾奴后移变右中场,特基路斯打左中场,一对防中变成卡普尔同柏利祖,整队係中场开始布防,压缩中路空间。拎到控球权时唔会太心急运波上前,将阵式变做4-3-3,卡普尔係中间逗住,宾奴同丹祖马变成两翼,最前则係艾卡沙,而特基路斯同柏利祖则变成左右中场中,先係后场叹下慢板,等你曼联进行前场逼抢,先搵空位经中场再搵两翼进行侧击,搓唔到就等龙门大脚向前解除逼抢;而由守转攻抢到波后再针对你二闸擅攻不擅守既特点去打反击。尤以左路丹祖马为甚,如入无人之境既佢,无论cup大位射波定係硬推落底线传中都轻鬆玩弄达洛特。左闸既泰利斯亦唔见得好,都係有身份证就过得。若非迪基亚演出神勇,多次扑走对方两翼内切射门,又救走近距离传中头鎚,早已比人456球,半场训得。

苏B求胜心切,尝试改变阵式但乏略左球员特性

苏B排出4-3-3。中间只留麦汤文尼係中间做驳脚破坏,左右二闸压上,而两翼则靠近边路,等普巴同般奴插入half-space进攻。开波已经见到普巴同般奴互传大对角插入禁区入楔。而绿木亦多次係边路无球走位斜插入half-space,般奴见状就会拉番边提供阔度。辛祖则会主力係边路拉阔,同泰利斯搓两板再尝试边路突破。C朗则留守禁区附近等待机会。面对密集有纪律既防守,呢套进攻模式唔太有效,亦缺乏由慢转快中路入渗既小组配合。只能左转右,右转左然后回后再尝试踢对角进攻。见到苏B既进攻思路,但佢乏略左泰利斯同达洛特既特点。曼联二闸压上助攻都係预料之中,进攻太进取,防守自然会失位要防中去补,但只安排一个麦汤文尼去补位,普巴同般奴进攻时都会压前既情况下。根本就唔能够弥补闸位同中坚既身后空间。当两个闸位球员都係攻强于守,更似一个翼卫多于一只闸既时候,只留一个麦汤文尼同两名中坚去cover係完全唔足够。被人多次快速转向既反击,亦令到泰利斯同达洛特唔敢向前压太上。当佢地发挥唔到边路进攻力,要佢地防守就真係得淡笑,结果攻不成,守放题,丑态百出。小弟认为要解放佢地就要改用三中坚,等佢地进攻时有一名边中坚填补,再有中中坚执漏。再加麦汤后场扫蕩,普巴中间舖桥搭路再搵般奴较炮先係上策。

失波係自然不过既事,追和则係死球教练功劳

上半场能够打成平手番更衣室已经可以还神;下半场出黎既战术同上半场一模一样,人地唔入你都真係对唔住自己。53分钟,比利亚雷亚尔从左边闸位开始做波,传俾中间现身既特基路斯。佢一避开埋黎抢波既麦汤文尼,已经可以转身望空前面,推两步直线放落达洛特同连迪路夫既身后空间。踢到晓飞既丹祖马追落去就右脚脚面片个波出黎传中,个波弯过黎迟一步既连迪路夫,就俾艾卡沙门前撞射入网,领先一比零。踢到呢个阶段都未有一脚似样既埋门,亦唔係太製造到具威胁既攻势,唔好话赢要追和都有难度,苏B都係要换人求变。但7分钟后就有脚神来之笔,般奴走去开右路既角球。正当全世界都集中係禁区既高佬争顶,伏兵左面禁区俄楣月顶既泰利斯冇人防守。般奴一斩就係正泰利斯前面落,佢左脚窝利一抽,个波直飞龙门左下方,弹左一下地就係网仔入左,追成平手。印象中今季係第一次咁样开角球,碧咸斩比史高斯既味道出晒黎,亦要居功于死球教练。自佢加盟后,曼联係死球无论攻守都有显住进步。

临场调动都係死症 成个领队团究竟谂乜

一追番球波,成队气势如虹。比利亚雷亚尔明显窒一窒,不论攻守都打左折扣,成队都乱乱地,但苏B手执亿万后备竟然唔係呢个时候加强攻力。艾美利则继续换,係73分钟换晒5个人去保持球队既活力,又或者作出战术调动;而我地既苏B係场上见到左右二闸咁明显既问题都冇立刻作出处理,要去到75分钟先换第一次人。将马迪同卡云尼入替辛祖同普巴,将阵式变番4-2-3-1。求变将阵式改做4-2-3-1去解放般奴係合理做法,换入卡云尼踢中锋,将C朗转踢翼锋,走入禁区做第二点攻击亦能理解,但点解换走传中能力较好既辛祖,而非射术较好但传中较差既绿木呢?有两个顶上功夫咁好,入楔抢点能力咁强既前锋,我左面泰利斯,右面辛祖加埋传中不俗既达洛特,就咁9981斩,个波係头顶两面横过都足以吓亲对面啦,仲要绿木内切打地面进攻又係不明所以。唯一原因係佢脚风顺状态好,搏佢一脚射瓜对手。

换费特以为係「神级」调动,点知真係「神级」调动

经调动后,绿木突然有一下用右脚传中搵到卡云尼,落点非常靓,可惜佢一顶唔中目标。亦有一次个人突破压入禁区右脚射尾柱,可惜被救出。但其余时间埋门不多,亦甚少烧味斩斩斩战术。去到89分钟,镜头见到连皇同另一个球员準备入替,镜头望背面仲以为係出伊兰加加强左路攻击力,点知原来係费特。用费特同连皇入替绿木同泰利斯。又係得几分钟俾连皇去争取入球都算,竟然用防守比进攻好太多既费特入替可以传中既泰利斯,真係一个「神级」调动。殊不知去到95分钟,费特係左路扫把脚传中,C朗係尾柱头鎚点俾入楔既连皇,连皇脚面回传俾C朗係窄位怒射破网,反超前二比一,绝杀比利亚雷亚尔,拎到非常重要既三分。「神级」换入费特间接助攻C朗,即刻「唔再反苏B啦」。

就算赢波都闻到鱿鱼香

赛前冇左梳尔、云比沙加同麦佳亚,都知道靠泰利斯同达洛特係防守方面会错漏百出,但苏B竟然就咁摆佢地出去,而冇考虑佢两个既特点去谂方法补救,上半场唔输实属有运。下半场既换人时机又係一大败笔,人地成队腾腾震果阵唔换,到人地企稳阵脚先换,又往往只得几分钟俾后备球员落场搏杀,搏到你就係神,搏唔到就係自己攞黎。最后换入费特想守和拎一分都唔想搏三分,係上场作客输波情况下,呢个思维模式又係咪岩?最后既绝杀除左讲好运之外,都係好运,但运气唔係成日都有。兵就摆晒係度俾你用,再搵唔到一套进攻模式,或者临场调动都仲係咁「神级」既话,呢个帅位都係迟早不保。小弟撑到你尽都开始难撑下去,苏B同其团队真係要谂谂办法啦!

篮球积分榜

NBA

CBA

西部 球队 胜场差
1

犹他爵士

3 0 0.0
2

金州勇士

4 0 -0.5
3

达拉斯独行侠

2 1 1.0
4

明尼苏达森林狼

2 1 1.0
5

孟菲斯灰熊

2 1 1.0
6

丹佛掘金

2 2 1.5
7

洛杉矶湖人

2 2 1.5
8

洛杉矶快船

1 2 2.0
9

萨克拉门托国王

1 2 2.0
10

波特兰开拓者

1 2 2.0
11

菲尼克斯太阳

1 2 2.0
12

新奥尔良鹈鹕

1 3 2.5
13

休斯顿火箭

1 3 2.5
14

圣安东尼奥马刺

1 3 2.5
15

俄克拉荷马城雷霆

0 4 3.5
东部 球队 胜场差
1

芝加哥公牛

4 0 0.0
2

纽约尼克斯

3 1 1.0
3

夏洛特黄蜂

3 1 1.0
4

密尔沃基雄鹿

3 1 1.0
5

迈阿密热火

2 1 1.5
6

华盛顿奇才

2 1 1.5
7

亚特兰大老鹰

2 1 1.5
8

布鲁克林篮网

2 2 2.0
9

克里夫兰骑士

2 2 2.0
10

波士顿凯尔特人

2 2 2.0
11

费城76人

2 2 2.0
12

多伦多猛龙

1 3 3.0
13

奥兰多魔术

1 3 3.0
14

印第安纳步行者

1 3 3.0
15

底特律活塞

0 3 3.5

足球积分榜

英超

西甲

意甲

法甲

德甲

;
球队 胜/平/负 积分
1

切尔西

7/1/1 22
2

利物浦

6/3/0 21
3

曼彻斯特城

6/2/1 20
4

西汉姆联

5/2/2 17
5

布莱顿

4/3/2 15
6

托特纳姆热刺

5/0/4 15
7

曼彻斯特联

4/2/3 14
8

埃弗顿

4/2/3 14
9

莱切斯特城

4/2/3 14
10

阿森纳

4/2/3 14
11

狼队

4/1/4 13
12

布伦特福德

3/3/3 12
13

阿斯顿维拉

3/1/5 10
14

沃特福德

3/1/5 10
15

水晶宫

1/6/2 9
16

南安普敦

1/5/3 8
17

利兹联

1/4/4 7
18

伯恩利

0/4/5 4
19

纽卡斯尔联

0/4/5 4
20

诺维奇

0/2/7 2